Нэгдсэн Үндэсний Байгууллага-ын тогтолцоонд харьяалагддаг НҮБ-ын Хүний эрхийн зөвлөл (UNHRC) нь дэлхий даяарх хүний эрхийг хамгаалах, зөрчлийг хэлэлцэх, улс орнуудад зөвлөмж гаргах үндсэн чиг үүрэгтэй засгийн газар хоорондын байгууллага юм. Тус зөвлөл нь 2006 онд байгуулагдсан бөгөөд төв нь Женев хот, Швейцар улсад байрладаг.

НҮБ-ын Хүний Эрхийн Зөвлөлийн гол зорилго нь хүний эрх, эрх чөлөөг дэлхийн хэмжээнд хүндэтгэн хамгаалах, хүний эрхийн зөрчлийг илрүүлэн хэлэлцэх, урьдчилан сэргийлэхэд чиглэдэг. Зөвлөл нь гишүүн орнуудын хүний эрхийн нөхцөл байдлыг хянан хэлэлцэж, сайжруулах чиглэлээр зөвлөмж гаргадаг бөгөөд олон улсын хамтын ажиллагаа, харилцан ойлголцлыг дэмжин ажилладаг.

Зөвлөл нь 47 гишүүн улсаас бүрддэг ба бүс нутгийн тэнцвэрт төлөөллийн зарчмаар сонгогддог. Гишүүн улсууд гурван жилийн хугацаатай сонгогдож, хүний эрхийг дэмжих, хамгаалах үүрэг хүлээдэг. Мөн зөвлөл нь Universal Periodic Review (UPR) гэх механизмаар дамжуулан НҮБ-ын бүх гишүүн улсын хүний эрхийн нөхцөл байдлыг тогтмол хянан үнэлдэг. Түүнчлэн тодорхой улс орон болон сэдвийн хүрээнд ажилладаг тусгай илтгэгчид, хараат бус шинжээчид, баримт шалгах комиссуудын тогтолцоотой.

Загвар НҮБ-ын (MUN) хүрээнд UNHRC хороо нь хүний эрхийн тулгамдсан асуудлыг олон улсын эрх зүйн хүрээнд хэлэлцэх, бодлогын шийдэл боловсруулах индэр болдог. Төлөөлөгчид өөрсдийн төлөөлж буй улсын албан ёсны байр суурийг илэрхийлж, нээлтийн үг хэлэх, ажлын баримт бичиг боловсруулах, тогтоолын төсөл санаачлах, хэлэлцүүлэгт идэвхтэй оролцох шаардлагатай. Хорооны үйл ажиллагаа нь дипломат харилцаа, хэлэлцээр хийх ур чадвар, судалгаа шинжилгээнд тулгуурладаг.

Шашин байх ёстой эсэх ба шашны нөлөө. Шашны тэргүүнүүд болон тэдний ёс зүй 

Шашин нь хүнийг зөв амьдрах, ёс суртахуунтай байх, бусдыг хүндэтгэхэд чиглүүлдэг тул нийгэмд тодорхой нөлөө үзүүлдэг. Гэвч шашин шүтэх эсэх нь хүн бүрийн хувийн сонголт бөгөөд заавал байх ёстой зүйл биш юм. Шашны нөлөө нь түүнийг хэрхэн хэрэгжүүлж, хэн удирдан чиглүүлж байгаагаас ихээхэн хамаарна. Шашны тэргүүнүүд шударга, даруу, ёс зүйтэй байж чадвал шашин нийгэмд эерэг үр нөлөө үзүүлнэ. Харин ёс зүйгүй үйлдэл гарсан тохиолдолд шашны нэр хүнд унаж, олон нийтийн итгэл алдагддаг. Иймээс шашин шүтлэг нь улс орны хэмжээнд төдийгүй, цаашлаад геополитикийн түвшинд ямар нөлөө үзүүлдэг талаар хэлэлцэн мэтгэлцэх нь манай хорооны шийдвэрлэх чухал асуудлын нэг билээ.

Энэтхэг

Сауди Араб

Иран

Пакистан

Израйл

Мянмар

Хятад

Нигер

Франц

Сомаль

Орос

Турк

Ирак

Афганистан

Египт

Этиоп

АНУ

Их Британи

Сир

Өмнөд Солонгос

Мексик

Монгол

Шашин нь төрийн харилцаанд хэрхэн нөлөөлж байна вэ?

Шашны туйлшрал нь бүс нутгийн аюулгүй байдалд хэрхэн нөлөөлдөг вэ?

Шашин нь геополитикийн стратегийн хэрэгсэл мөн үү?

Шашны удирдагчдын ёс зүй нийгмийн итгэлцэлд хэрхэн нөлөөлдөг вэ?

Шашин хүний эрхэнд хэрхэн нөлөөлдөг вэ?

Жил бүрийн НҮБ-ын хуралдааны төгсгөлд хороо тус бүрээс хамгийн

сайн оролцсон 2 төлөөлөгчийг сонгож, “Шилдэг төлөөлөгч” болон “Онцлох төлөөлөгч”

хэмээн сонгон шалгаруулдаг билээ. 

Энэ жил хурлын дарга нар эдгээр шалгууруудын дагуу тухайн төлөөлөгчдийг  шалгаруулах юм. 

Үүнд:

- Сэдвийн дагуу судалгааг маш сайн чанартай хийсэн байх ба бусад

төлөөлөгчдөд асуулт дэвшүүлж буй байдлыг харгалзан үзэх.

- Олон нийтийн өмнө өөртөө итгэлтэй ярьж, өөрийн ярианы чадвараа харуулан улмаар бусад төлөөлөгчдийн тавьж буй асуултад хэр оновчтой хариулт өгч байгаа эсэхийг

харгалзах.

- Хэзээд ч дипломат хэвшлийг хадгалж, төлөөлөгч болон хурлын дарга нартай эелдэг

боловсон харилцаж, хурлын дэг журмыг дагаж мөрдсөн эсэхийг харгалзах.

- Ямагт төлөөлөгчийн үүргээ ухамсарлан хувь хүний үзэл бодлыг дэвшүүлэхгүй ба төлөөлж буй улсын байр суурийг хэлэлцэж байгаа эсэхийг харгалзан үзэх.

- Үндэсний үзэл баримтлалын бичгийг цаг тухайд нь илгээн, тавьсан шаардлагыг хангасан эсэхийг харгалзан үзэх.

- Зохион байгуулагдах Workshop-д ирсэн ирцийг харгалзах

- Шаардлагатай тохиолдолд хурлын Ерөнхий Ассамблейд оролцсон идэвх оролцоог харгалзах гэсэн заалтуудыг тавьж байгаа юм.

Ямар ч тохиолдол хурлын дарга нар төлөөлөгчдийн хурлын туршид хэлэлцсэн ярианы чадвар болон дээр дурдсан заалтад үндэслэн шагналыг олгоно гэдгийг онцолж байна.

Шаардлагатай биш зүйлс:

Ялсан блокийн нэг хэсэг байх.

Эцсийн шийдвэрийн цаасан дээр ивээн тэтгэгч/гарын үсгийн жагсаалтад оруулах.

Tаны тогтоолын цаас дэмжигдсэн эсэх

Шашин нь хүн төрөлхтний түүх, соёл, үнэт зүйлсийн салшгүй хэсэг байсаар ирсэн бөгөөд нийгмийн ёс суртахуун, зан заншил, эрх зүйн ойлголтод гүнзгий нөлөө үзүүлж ирсэн үзэгдэл юм. Шашин байх ёстой эсэх тухай маргаан нь зөвхөн итгэл үнэмшлийн асуудал төдий бус, хүний эрх, үзэл бодлын эрх чөлөө, төр ба шашны харилцаа, нийгмийн тогтвортой байдалтай салшгүй холбоотой өргөн хүрээний асуудал юм.

Нэг талаас шашин нь хүмүүст ёс зүйн чиг баримжаа өгч, эв нэгдэл, энэрэнгүй үзэл, хариуцлагыг төлөвшүүлэхэд чухал үүрэг гүйцэтгэдэг. Олон шашны сургаал нь хүний нэр төрийг хүндэтгэх, бусдад хор учруулахгүй байх, шударга ёсыг дээдлэхийг уриалдаг. Нөгөө талаас шашны үзэл хэт туйлшрах, улс төртэй хэт хутгалдах, бусдын эрх чөлөөг хязгаарлах хэлбэрт шилжих үед нийгмийн зөрчил, ялгаварлан гадуурхалт, хүчирхийлэлд хүргэх эрсдэл үүсдэг.

Шашны тэргүүнүүд болон удирдагчдын ёс зүй нь энэ асуудлын төвд оршдог. Тэд олон нийтийн итгэл үнэмшил, хандлагад нөлөөлөх өндөр байр суурьтай тул ил тод байдал, хариуцлага, шударга ёс, хүний эрхийг хүндэтгэх зарчмыг чанд баримтлах шаардлагатай. Ёс зүйн зөрчил, эрх мэдлээ урвуулан ашиглах явдал нь зөвхөн тухайн байгууллагын нэр хүндэд төдийгүй нийгмийн тогтвортой байдалд сөргөөр нөлөөлдөг.

Иймээс шашин байх ёстой эсэх асуудлыг туйлширсан байр сууриас бус, хүний эрх, олон ургальч үзэл, нийгмийн сайн сайхны үүднээс авч үзэх нь зүйтэй. Шашин нь нийгэмд эерэг үүрэг гүйцэтгэх боломжтой ч энэ нь ёс зүйтэй удирдлага, хууль дээдлэх зарчим, харилцан хүндэтгэл дээр суурилсан нөхцөлд л биеллээ олно. Орчин үеийн нийгэмд шашны нөлөөг зохистой түвшинд хадгалж, хүний эрх, ардчилсан үнэт зүйлстэй нийцүүлэх нь тогтвортой, эв нэгдэлтэй нийгмийг бүрдүүлэхэд чухал ач холбогдолтой юм.

https://www.aa.com.tr/en/asia-pacific/dalai-lama-mentioned-dozens-of-times-in-epstein-files/3820012

https://www.ohchr.org/en/hrbodies/hrc/home

https://edition.cnn.com/2026/02/06/india/india-singh-dera-sacha-sauda-parole-intl-hnk-dst

https://www.nature.com/articles/s41599-025-05685-z

https://ourworldindata.org/religion